📍【多謝邀請】Milu Thai มิลู่ไทย (銅鑼灣)
銅鑼灣耀華街3號百樂中心2樓
======================================
都有好一陣子冇食泰國菜，今次黎到百樂中心既一間泰國餐廳，係地下排隊等𨋢都排勁耐😣
.
🔥火焰燒雞 $198 (3.5/5)
當見到佢既推介菜式火焰燒雞就好想試🤤可以滿足哂視覺同味覺，好似好正咁！佢係原隻上枱，當我地ready好手機之後，店員會先淋酒，然後再用火搶一點，成隻雞就燒著左啦🔥🔥🔥即刻feel到好熱🤣等火熄左之後，店員就幫我地拎隻雞去切，切好再上枱😆😆切開後份量原來都幾多，三個人食就差不多🤪個皮好薄而且冇太多肥膏，幾脆，肉質唔會好鞋好乾，雞脾位幾滑，唔點醬就咁食都已經好夠👍🏻
.
🍝泰式蛋包炒金邊粉 $108 (4/5)
其實我都好鐘意食金邊粉，去親食泰菜通常都會叫😋😋就咁睇賣相好靚，面頭既大蝦相當吸引，金邊粉炒得夠乾身，加埋花生碎撈埋一齊食，正！建議如果怕辣既朋友就避開唔好撈埋啲辣椒粉😊
.
🥗柚子鮮蝦沙律 $88 (3.5/5)
柚子清甜多汁，最緊要有我最鍾意既腰果🥰🥰配埋炸蒜、洋蔥等，酸酸甜甜，確實好開胃！
.
🥬馬拉盞椰菜苗 $88 (4/5)
佢有四款可以揀，包括蒜蓉、馬拉盞、飛天同清炒。我地揀左馬拉盞，椰菜苗望落好翠綠，食落爽脆，非常惹味☺️即刻想要碗白飯🍚
.
🥭芒果糯米飯 $78 (3.5/5)
最後點都要叫返個甜品既😌唔知點解覺得個糯米飯好似個漢堡包😂😂😂個飯好熱🤣芒果都算清甜，加上灑左少少芝麻係面，唔錯！
Search